نصائح ذكية لتنظيف بيتك

تنظيف أثاث بيتك بصفة عامة شيء مرهق. بيسحب منك وقت وجهد كبير عشان تقدري توصلي لدرجة التنظيف للي محتاجها في بيتك. ولو جينا نكلم عن تنظيف كنب ومقاعد الصالون أو الريسيبشن مثلًا فالمعضلة تضرب في أتنين؛ لأنهم مينفعش يتغسلوا ويتنظفوا إلا بطريقة معينة، وضروري نبقى مركزين كويس على نوع القماش، خصوصًا أننا لو استخدمنا أي أداة غلط ممكن نندم طول عمرنا. بسبب شكل الكنبة اللي باظت، وبدل ما كنتِ بتحلمي أن البقع تتشال وترتاحي يجيلك بقعة فوق البقعة وشكل الكنبة أو الكرسي يدمر تمامًا. وتضطري لحلول تانية

وعليه… ولتفادي أي مشاكل في تنظيف أثاث بيتك عامةً وفي تنظيف الكنب ومقاعد عمومًا، لازم يكون عندك بعض الحيل،للي حتساعدك في توفير وقتك ومجهودك وتخلي مهمة تنظيف أثاث بيتك من أسهل المهام على عكس ما كانت عليه.

 تنظيف أثاث بيتك أسهل مع نصائح موقع هلبر

قبل ما ندلك على الخطوات في نصائح عامة ضروري تكوني عارفاها قبل ما تبدأي في تنظيف أثاث بيتك

نصائح عامة

ترتيب وتنظيف الاسطح

حاولي قبل ما تبدأي في تنظيف أنك ترتبي البيت الأول، يعني تشيلي الكركبة من حواليكي وتلمعي الأسطح سواء رخام أو إزاز، عشان لما تبدأي في تنظيف أثاث البيت ميكونش يكون التركيز بس فيه بدون ما تضطري توقفي تنظيف لأي سبب

استخدام المكنسة الكهربائية

عشان تبدأي في مهمة تنظيف أثاث بيتك لازم تكوني جاهزة بكل أدواتك، وأول حاجة ضروري تكوني جاهزة بيها هي المكنسة الكهربائية، عشان هي الأداة شبه الوحيدة اللي ممكن تزيل الأتربة في الأماكن الصغيرة، وهتساعدك أنك تنضفي الكنب والمقاعد بدون مجهود كبير

لو هتستخدمي أي أداة تنظيف عشان تنظيف أثاث من كنب وغيره .. جربيه على قطعة قماش صغيرة الأول

بلاش مجازفة! لو عندك بقعة على قماش الكنب أو المقاعد وعندك سائل تنظيف جديد، أو حتى قررتي تدوري على النت وتجيبي طريقة عمل للتنظيف بأدوات منزلية، أرجوكي متستعملهاش على البقعة للي عندك فورًا. جربيها الأول على قطعة قماش بره، وغيري من أنواع الأقمشة لحد ما تتأكدي أنها آمنة وأنها مش حتسبب أي تلف على قماش الكنب أو المقاعد

اقرا ايضا  النظافة الأساسية

أهم التعليمات من أجل تنظيف أثاث سريع ومتقن

تنظيف الكنب المصنوعة من القماش

في العموم بلاش تسيبي البقع تنشف، أتعاملي معاها فورًا بمسحها بفوطة مطبخ أو قطعة قماش نظيفة، ولو كانت أرز وقع أو حاجة ممكن تتكنس استخدمي فورًا المكنسة الكهربائية

ولو البقعة مينفعش تتشال بالمياه زي بقع الزيت، استخدمي أداة تنظيف المتناسبة مع نوع القماش

تنظيف أثاث مصنوع من الجلد

عشان تنظيف أثاث مصنوع من الجلد في 3 اختيارات … الأول استخدام المنظف المخصص لتنظيف الجلود، والثاني انك تاخدي كمية من مسحوق غسيل الملابس اليدوي وتدوبيه بالماء، والثالث (لو لزم الأمر) أنك تستخدمي الصابون العادي؛ لأنه فيه الزيوت للي بتساعد على تنظيف الجلود والحفاظ على رطوبتها.

التخلص من الرائحة الكريهة في أقمشة الكنب والمقاعد

ساعات مهما عملتي من تنظيف أثاث للبيت ساعات بيفضل روائح كريهة، ومبتعرفيش تتخلصي منها حتى بعد ما تكوني نطفتي الأثاث كويس

وعشان تقدري تزيلي الرائحة الكريهة دي وتخلي رائحة عفشك منعشة … رشي القليل من البيكنج بودرعلى العفش بليل قبل ما تنامي وأول ما تصحي شيليه باستخدام فرشاه رفيعة وأكنسي المسحوق بالمكنسة الكهربائية. وده لأن البيكنج البودر بيمتص الروائح الكريهة

وكمان تهوية الأثاث الصبح سواء بفتح النوافذ ووضع خداديات في الشرفة بيساعد على قتل الجراثيم وإزالة الروائح المزعجة منها

ولوحاسة إن تنظيف أثاث بيتك محتاج مجهود أكتر … ممكن تطلبي نظافة المفروشات من هلبر

Leave a Reply

Your email address will not be published. Required fields are marked *