ادوات النظافة وجودها في الشركة الخاصة بك مهم, لأنها بتوفر وقت اللي عمال النظافة بيحتاجه عشان يبدئوا عملية النظافة و يقدروا ينجزوا تنظيف المكاتب في اسرع وقت ممكن وعلي اعلي مستوي من النظافة. ده بيخليك لازم تفكر في الاحتفاظ بمخزون مش كبير بس يؤدي الغرض و هو الاهتمام بنظافة مكاتب الشركة.
محتويات المقال
أدوات النظافة هتنجز وقتك وهتساعد موظفيك على العمل
قبل ما يبدأ عامل النظافة في تنظيف وتطهير المكاتب، بيحاول دايمًا يكون حواليه كل أدوات النظافة اللازمة، عشان ينهي اعمال النظافة بشكل أسرع وينظف المكتب بالطريقة الأحسن.
والمشكلة اللي بتواجه عمال النظافة دايمًا في أي موقع إن مش كل أدوات النظافة بتكون متاحة، لازم يكون في حاجة ناقصة، بالتالي تراكم التراب في الأماكن للي محتاجة أدوات نظافة بعينها، زي الأسطح الزجاجية أو أجهزة الكمبيوتر واللاب توب وأسوار البلكونات مثلًا.. وغيرها من الأماكن للي بسببها بيبان إن المكان غير مرتب أو مش نظيف بالقدر الكافي.
وعشان أكيد كلنا بننسى، ولأن مسئول الخدمات العامة في أي شركة مش هيعرف يوفر كل أدوات النظافة بدون مساعدة، قررنا في هلبر إننا نساعدك ونكتبلك قائمة بأهم أدوات النظافة اللي محتاجها، وليه هي مهمة ومحتاجها أي مكتب.
عشان تقدر توصل للنظافة اللي محتاجها في المكتب، وكمان تهيئ للموظفين جو مريح وهاديء ونظيف يحفزهم على العمل وإظهار أفضل ما عندهم
أولًا: المواد الأساسية
دي تعتبر من أدوات النظافة الأساسية، للي بيحتاج لها كل مكان تقريبًا من أول البيوت لحد الفنادق الكبيرة، لإنها بتساعد على تطهير وتنظيف المكتب بجودة عالية… وهي
أ) الكلور
ده من أول أدوات النظافة اللازمة، لأنه بيستخدم في تنظيف المطبخ والحمام والأرضيات وكل شيء تقريبًا
ولكن نصيحة بلاش يستخدم في غسل الصحون؛ لأنه بيسبب أضرار صحية في المستقبل، وكثرة استخدامه بتسبب جفاف لليدين، عشان كده لازم قبل ما يستعمل يكون في قفازات عشان تحمي أيده من مواد الكلور الضارة
ب) منظف الأرضيات
وهناك أنواع كثيرة للمنظفات الأرضية للتناسب مع أنواع الأرضيات نفسها.
فالأرضية السيراميك لها منظف مختلف لو كانت الأرض خشبية أو باركيه، عشان كده لازم تكون عارف إيه نوع الأرض وكمان درجة السيراميك عندك، عشان تختار نوع المنظف الأحسن واللي يسيب رائحة ذكية بعد الانتهاء من مسح الأرض
جـ) سائل لغسل الصحون
حاول دايمًا يكون موجود نوع قوي برائحة ذكية، عشان متحتاجش إنك تشتري كل يومين واحد جديد
د) مُعقم
المُعقم ده يعتبر من أهم أدوات النظافة بالمكتب، وهتحتاجه تقريبًا طول الوقت في الحمام والمطبخ، بالأخص لو كان عدد الموظفين في المكتب كبير و ده بيحافظ علي صحة الموظفين.
هـ) القفازات المطاطية
ودي مهمة جدًا لإنها هتحمي عامل النظافة من الجراثيم والعدوى، وكمان هتحمي أيده من أدوات النظافة اللي فيها مواد ضارة زي الكلور ومنظفات الأرضية
ومن الضروري إن يكون في 2 من القفازات المطاطية على الأقل، واحد للحمام والأخر للمطبخ، وحاول يكون ألوانهم مختلفة لمنع الخلط بينهم
و) ممسحة ودلو
أبحث عن ممسحة ودلو برأس سهلة التغيير، في العادة الممسحة بتكون من شراشيب أو إسفنجات، ولو كان مكتبك من السيراميك فالممسحة الإسفنج أحسن بالنسبة لك، لإنها بتقدر تننظف الفواصل بسهولة عن الشراشيب
ح) المكنسة
وده هيسهل على عامل النظافة إنك يكنس الأرض قبل ما يبدأ في عملية التطهير
ثانيا: أدوات النظافة لتطهير وتنظيف الحمام
الحمام دايمًا بيحتاج تنظيف وتطهير بصورة دورية، فلازم تكون أدوات النظافة متوفرة دايمًا، عشان يقدر عامل النظافة إنه ينظف ويطهر الحمام بسرعة وبجودة عالية، ومن أهم الأدوات هي
فرشاة المرحاض اللي تعتبر من أدوات النظافة الأساسية في الحمام، وللي ضروري تكون هي نفسها دايمًا نظيفة ومعقمة، ده غير ضرورة وجود منظف للمرحاض ومنظف الأحواض بصورة دائمة
ثالثًا: أدوات النظافة لأجهزة الكمبيوتر واللاب توب
وفي أدوات كتير لنظافة أجهزة الكمبيوتر واللابتوب زي بخاخات الهواء لتنظيف لوحة المفاتيح والفرش الصغيرة ومسحات التنظيف للشاشات الكهربائية وأخيرًا لو إنت شركة ومحتاج عامل نظافة ينظف المكتب وكمان يوفرلك أدوات النظافة والأجهزة اللازمة في عملية تنظيف المكتب الدوري، يبقى شركة هلبر هي المكان الأنسب لك